På Vossevangen der vil eg bu;
Der veks det kløver på heia;
Der gjeng kvar ungkar med blanke sko.
Og sylvknapp hev han i trøya;
Der dansar gjenta med band i hår,
og fletton' radt ned på marka når,
Ja tru du meg, Eg seier deg:
Der er det fagert å leva.
Og der veks hassel og bjørk og eik,
Og der veks blåbær i lia;
Der kliv'e geita i urd og kneik,
Og elva fossar ved sida.
På marka veks'e den grøne lauk;
I skogen gjel'e den ville gauk.
Ja tru du meg, Eg seier deg:
Der er det fagert å leva.
Der stend ei selje i dalen trong;
Ei hulder bur attom steinar.
Der tida fell'e meg aldri long,
om enn eg sit der åleine;
For marka angar av blom og lyng,
Og elva susar og huldra syng.
Ja tru du meg, Eg seier deg:
Der er det fagert å leva.
