Noregs fornkóngur frægi
Bjarni Gissurarson 1621-1712.

Noregs fornkóngur frægi frílega ríður Þorri enn, skola vill byggð og bæi, bændur lika og hýbýlin. Skjallarhvítt hár um vanga, hangir sítt skeggið langa, furðu lítt fellur honum að ganga. Viðtektir vill hann hafa veglegar rétt sem herramann; hvorki þarf söl né safa að setja á borðið nú fyrir hann. Kjötið feitt fellur honum, flotið heitt eftir vonum, spað tilreitt sparar hann ei hjá konum.