Rúnasteinn
tekið úr bókinni Saga Elliðarárdals.

Í Árhólmunum (í Elliðárdal) fannst fyrir nokkrum árum steinn sem rúnir höfðu verið klappaðar á. Þar stendur "Þór Styrkir". Yfir og undir rúnaletrinu er borði ristur með einfaldri línu. Steinninn er úr basaltstuðli, trúlegast fenginn á staðnum, um 96 sm langur, 55 sm breiður og 45 sm hár. Merking áletrunarinnar bendir til heiðins siðar, fyrir kristnitöku árið 1000. Áletrunun er þó að öllum líkindum frá 20. öld, gerð af áhugamanni um forna tíð. Leturgerðarmaðurinn hefur hins vegar ekki þekkt nægilega vel til þróunar rúnaleturs því hann blandaði saman stafrófi tveggja tímabila.